ar ais chuig leabharBain Sult as an bhFírinne!
Chomh maith le leabhar, is ó Laidin a tháinig na focail Ghaeilge seo uilig: litir, peann agus scríobh.
Is é an téacs is sine a scríobhadh in Éirinn, litir a scríobh Naomh Pádraig chuig an cheannaire Briotanach Coroticus. Sa litir seo, cáineann Pádraig Coroticus as cuid de na daoine ar iompaigh Pádraig ina gCríostaithe iad a fhuadach agus a mharú. Is i Laidin a scríobhadh an litir.
Ó na Meánaoiseanna go dtí an fichiú haois, scríobhadh Gaeilge sa chló Ghaelach.
Is ó ghál darach, a dhéantar nuair a bheireann foiche uibheacha ar chrann darach, a rinneadh an dúch dubh do lámhscríbhinní na Meánaoiseanna.
Le blianta beaga anuas, rinneadh leaganacha digiteacha de chuid mhór lámhscríbhinní meánaoiseacha sa dóigh go dtig le daoine ar fud an domhain amharc orthu. Coinnítear na lámhscríbhinní féin i ndálaí rialaithe go speisialta le hiad a chaomhnú chomh fada agus is féidir.